Vindoza signokodo - windows-1252

La Vindoza signokodo estas vastigo de Latino 1 uzata en Vindozo. Ĝi ne estas ISO-normo.

La unua parto de la Vindoza signokodo (la kodpozicioj ĝis 127) estas identa al Askio. La kodpozicioj 160 - 255 estas identaj al la respondaj kodpozicioj en Latino 1. Sed iuj el la kodpozicioj 128 - 159, kiuj en Latino 1 estas rezervitaj por stiraj funkcioj (sed kiuj estas en la praktiko simple neuzataj), estas en la Vindoza signokodo uzataj por aldonaj preseblaj signoj.

Tro ofte la Vindoza signokodo estas uzata en la Reto anstataŭ Latino 1 - eĉ kun falsa indiko, ke temas pri Latino 1. Ĉiuj tiuj Vindozaj signoj, kiuj mankas en Latino 1, ekzistas tamen en Unikodo. En HTML oni prefere indiku tiujn signojn per iliaj Unikodaj numeroj aŭ per iliaj simbolaj HTML-nomoj. Tiuj numeroj kaj simbolaj nomoj estas montrataj en la ĉi-posta tabelo.